«танзила нарбаева» тегли мақолалар
Сенат раиси Танзила Нарбаева Дэвид Кэмерон билан учрашди
Олий Мажлис Сенати раиси Танзила Нарбаева Ўзбекистонда бўлиб турган Дэвид Кэмеронни қабул қилди. Улар Ўзбекистон ва Буюк Британия ўртасидаги турли соҳалардаги ҳамкорлик муносабатларини муҳокама қилди.
«Парламент дипломатияси можароларнинг олдини олишда муҳим роль ўйнаши лозим» — Сенат раиси
Сенат раиси Танзила Нарбаева Женевадаги Парламентлараро иттифоқ ассамблеясида сўзлаган нутқида парламентарийлар дипломатия орқали тинчлик ва глобал барқарорликни мустаҳкамлашга ҳисса қўшиши, шунингдек, аҳолининг ижтимоий ҳимояга муҳтож қатламлари ҳуқуқларини фаол ҳимоя қилиши зарурлигини таъкидлади.
Парламентлараро иттифоқнинг 150-юбилей ассамблеяси Ўзбекистонда ўтказилади
2025 йил Парламентлараро иттифоқнинг 150-юбилей ассамблеяси Ўзбекистонда ўтказилади. Сенати раиси Танзила Нарбаева иттифоқ раиси Тулия Эксон билан учрашувда ассамблея ҳамда унинг тегишли мажлисларини ташкил этиш ва ўтказиш билан боғлиқ масалаларни кўриб чиқди.
Танзила Нарбаева БМТ бош котиби Антониу Гутерриш билан учрашди
Олий Мажлис Сенати раиси Танзила Нарбаева Нью-Йоркда БМТ бош котиби Антониу Гутерриш билан учрашиб, Барқарор ривожланиш мақсадларини амалга ошириш билан боғлиқ, жумладан, гендер тенглигини таъминлаш масалаларини муҳокама қилди.
Баъзи ривожланган давлатлардаги каби қизларимиз оила қурмасликни исташини хоҳламаган бўлардик — Танзила Нарбаева
Танзила Нарбаева маълум қилишича, ҳозир ўғил болалар учун ўртача турмуш қуриш ёши 26−27 ёш, қизлар учун 23−24 ёш. «Лекин биз айрим ривожланган мамлакатлардаги каби қизлар турмуш қурмаслик, оила қилмасликни исташини хоҳламаган бўлардик», — деди Сенат раиси берган интервьюда.
Марказий Осиё давлатларида оиладаги зўравонлик мавзуси табу эди — Танзила Нарбаева
Ўзбекистон оиладаги зўравонликни жиноят деб ҳисоблаган Марказий Осиёдаги илк давлат бўлди. Минтақада бу мавзу табу бўлган. Маълум лавозимларда ўтирган баъзи эркак раҳбарлар бу нормаларни қабул қилишни хоҳламаган. Бу ҳақда Танзила Нарбаева БМТ ахборот хизматига берган интервьюсида айтиб ўтди.
Ўзбекистон БМТга аъзо давлатлар билан аёлларнинг ижтимоий ва сиёсий ҳаётдаги иштироки бўйича тажриба алмашишдан манфаатдор
Сенат раиси Танзила Нарбаева БМТ минбарида аёллар ўртасида, айниқса, қишлоқларда STEM таълимини тарғиб қилиш, ҳудудларда рақамли тафовутни бартараф этиш ва дискриминацияга учраганларга ҳуқуқий ёрдам бериш ҳақида сўзлади. У МО мамлакатларида гендер тенглиги бўйича ёндашувлар ишлаб чиқилганини айтди.
Сенат раиси БМТ Аёллар ҳолати бўйича комиссиясининг сессиясида қатнашмоқда
Нью-Йорк шаҳрида Танзила Нарбаева бошчилигидаги Ўзбекистон делегацияси БМТ Аёллар ҳолати бўйича комиссиясининг сессиясида қатнашмоқда. Ташриф давомида ташкилот тузилмалари раҳбарлари, президентлар ва ҳукумат раҳбарлари билан учрашувлар ўтказилиши ҳам режа қилинган.
Танзила Нарбаева бошчилигидаги махсус комиссия хотин-қизларни иш билан таъминлаш масалалари билан шуғулланади
Сенат раиси бошчилигидаги махсус комиссия хотин-қизлар ўртасида тадбиркорликни ривожлантириш ва бандликни таъминлаш бўйича йил давомида «фавқулодда ҳолат» режимида ишлайди. ССП, Бизнесни ривожлантириш банки ва Микрокредитбанкда раиснинг аёллар тадбиркорлиги бўйича ўринбосарлари иш бошлайди.
Сенат қўмиталари ҳуқуқ-тартибот ходимларини обрўсизлантириш моддасини ўрганмоқда — Танзила Нарбаева
Сенат раиси Танзила Нарбаева ҳуқуқ-тартибот идоралари ходимларининг фото ва видеоларини «обрўсизлантириш мақсадида» интернетда эълон қилганлик учун жазолаш ҳақидаги норма Сенат қўмиталари томонидан ўрганилаётганини айтди. «Қўмиталаримиз ҳозир кўриб чиқиш жараёнида», — деди у.
«Манфаатлар тўқнашуви тўғрисида»ги қонун нега ҳалигача имзоланмади? Сенат раиси жавоби
Сенат раиси Танзила Нарбаева BBC ўзбек хизматига интервью бериб, унда Сенат томонидан тасдиқланиб, президентга имзолаш учун юборилган, аммо шундан сўнг «йўқолиб қолган» «Манфаатлар тўқнашуви тўғрисида»ги қонун лойиҳаси ҳақида гапирди. Унинг айтишича, ҳозирда ҳужжатни ПА экспертлари ўрганмоқда.
«Ўзбекистон ҳеч қачон ҳеч кимга мустамлака бўлмайди» — Танзила Нарбаева
Танзила Нарбаева мамлакат мустақиллиги билан боғлиқ чиқишларга тўхталди. «Ўзбекистон ҳеч қачон ҳеч кимга мустамлака бўлмайди», — деди Сенат раиси ёшлар билан учрашувда.
Сенат раиси пиёдалар кўприкларида лифт ва эскалаторлар ишламаётгани ёки умуман йўқлигини танқид қилди
Сенат раиси Танзила Нарбаева пойтахтнинг қатор кўчаларидаги кўприклар (ерусти пиёдалар ўтиш жойлари)да лифт ва эскалаторлар ишламаётгани ёки умуман мавжуд эмаслигини танқид қилди. Аввалроқ «Газета.uz» ерусти пиёдалар ўтиш жойлари муаммолари ҳақидаги видеоматериалини эълон қилганди.
«Юксалиш» ҳаракати Марказий Осиёнинг етакчи аёллари рейтингини эълон қилинди
«Юксалиш» умуммиллий ҳаракати Марказий Осиёнинг етакчи аёллари рейтингини тузди. Номзодлар эгаллаб турган лавозими ва қарорлар қабул қилишга таъсир қилиш даражаси, иқтибосларда келтирилиши ва таниқлилиги ва ижтимоий-сиёсий ва иқтисодий ташаббусларни илгари сурганлигига қараб баҳоланган.
Танзила Нарбаева Қирғизистон парламенти ташкил этилганининг 85 йиллигига бағишланган халқаро конференцияда иштирок этди
Сенат раиси Танзила Нарбаева МДҲ Парламентлараро Ассамблеянинг навбатдаги ялпи мажлисида иштирок этиш учун Бишкек шаҳрига борди. У қирғизистонлик депутатларни Жогорку Кенеш ташкил этилганининг 85 йиллиги билан қутлади. Шунингдек, Нарбаева Қозоғистон ва Беларус парламенти раислари билан учрашди.
Минскда Ўзбекистон ва Беларусь тадбиркор аёллари биринчи бизнес форуми ўтказилди
Сенат раиси Танзила Нарбаеванинг ташрифи доирасида Минск шаҳрида Ўзбекистон ва Беларусь аёлларининг биринчи бизнес форуми бўлиб ўтди. Форум доирасида 92 млн доллардан ортиқ миқдордаги 42 та шартнома ва 17 та меморандум имзоланди.
«Сизнинг тинчликсеварлик йўлингиз бизнинг ҳам йўналишимиздир». Александр Лукашенко — Ўзбекистон ҳақида
Беларусь президенти Александр Лукашенко Минскда Ўзбекистон Сенати раиси Танзила Нарбаевани қабул қиларкан, мамлакатга ва Шавкат Мирзиёевга муносабати ҳақида гапирди. «Сизда жуда яхши президент бор. Мен унинг кўзларига қараб туриб ҳам айтаман: сенга ишонган халққа панд бермаслигинг керак», — деди у.
АҚШ Сенати Миллий хавфсизлик ишлари қўмитаси раиси Ўзбекистонга ташриф буюрди
АҚШ Сенатининг Миллий хавфсизлик ва ҳукумат ишлари қўмитаси раиси Гэри Питерс Ўзбекистон президенти, Сенат раиси ва ТИВ раҳбари томонидан қабул қилинди. Музокараларда иқтисодий ҳамкорлик, минтақавий кун тартиби, парламентлар ўртасидаги муносабатлар, инсон ҳуқуқлари ва бошқалар муҳокама қилинди.
«„Аризангни қайтиб ол“, „Оилада бўлади-ку“, дейишмасин». Сенат раиси — оиладаги зўравонликлар ҳақида
Сенат раиси Танзила Нарбаева оиладаги зўравонлар жиноий жавобгарликка тортилиши, қонуний жазосини олиши шартлигини таъкидлади. «Маҳаллалардаги фаолларингиз ҳеч қачон: „аризангни қайтиб ол“, „оилада бўлади-ку“ дейишмасин. Ўша зўравон жазосини олиши шарт», — деди у Хотин-қизлар қўмитаси раҳбарига.
МО давлатларининг етакчи аёллари Остонада инновациялар ва технологияларни муҳокама қилди
Остона шаҳрида бўлиб ўтган Марказий Осиё етакчи аёллари мулоқотининг навбатдаги йиғилишида инновациялар ва технологияларни ривожлантиришга алоҳида эътибор қаратилди. Ўзбекистон делегациясига Сенат раиси Танзила Нарбаева бошчилик қилди.
Энг кўп ўқилган хабарлар | Сўнгги янгиликлар
- «Боғнинг менежери давлат бўлиши нотўғри. Бутун дунёда шунақа» — Тошкент ҳокими (видео)
- «Тақиқлар амалда ишламаяпти». Ўзбекистонда букмекерлик фаолиятини қонунийлаштиришдан мақсад нима? (1)
- Бош прокуратура Ниғматилла Йўлдошев ва қидирувдаги тадбиркор ўртасидаги суҳбат видеосига изоҳ берди
- Ўзбекистон футболчилари U-23 Осиё кубоги ярим финалига чиқди (+ видео)
- Яккасарой тумани ҳокимияти ҳуқуқшуноси мактаб бассейнида чўмилган вақти вафот этди
Қўшимча имкониятларга эга булиш учун сайтда рўйхатдан ўтинг